السفر المادي والسفر المعنوي

كل سفره ارجع منها يسألني المحيطين ، اشلون كانت سفرتك ؟ فأبدأ اقص عليهم الاماكن اللي زرتها . اصور لهم الجبال اللي اتسلقتها ( طبعا مشيا علي الاقدام ) والنسائم العليله ،واصوات الطيور واصوات اوراق  الشجار ومنظر الغابات ولون الطبيعه وخضار الاشجار الداكن ( خضار يأسرك ) وصوت الماي ولون السما الازرق ( اللي نفتقده عندنا مع كثر الغبار ) . حتي البشر وجوهم مبتسمه ومستعدين يساعدونك لو طلبت اي شي . السكن بسيط والاكل الريفي الصحي ( حتى لو كان خبزه بالطحين الكامل وجبنه ماعز طازجه ) اللي تاكله وتغمض عينك ، والله ما يجيني الا شعور ايامنا الحلوه اللي ما اكلنا فيها الا كل ما فيه صحه وعافيه لاجسامنا ( والله كنا محظوظين ) . وتكون في اذنك سماعتك تسمع فيها موسيقي هاديه  وعلي ظهرك جنطتك اللي فيها كتابك او روايتك ، وقلم ومفكره تكتب فيها خواطرك ( مع هالاجواء يمكن تصير شاعر وانت ما تدري ) . لا تنسي تحط قطعه فاكهه وماي ، وتكون لابس لبس عملى خفيف ، واذا حصل ومعاك  دراجه تزيد المتعه ….. وبعد هالاستعداد انطلق ناسيه كل هم وراى وبس افكر في المستقبل الجميل وممكن ما افكر نهائيا بشي … عدا التأمل في التطبيعه والتفكر في خلق الرحمن . يردون علي ربعي باستغراب !! بس هذي وناستك !!؟؟ أرد عليهم باستغراب ايضا !! نعم وشنو امتع من انك تنطلقين بدون ان يوقفك احد .. وبدون ارتباط بموعد .. وبدون التزامات ينتظرها منك الناس في هذي الطبيعه الساحره !! اقولهم السفر يعنيلي تغيير الحياه اليوميه الروتينيه اللي اعيشها …. فييردون علي  ، شريتي شئ  ؟ اقولهم  شريت راحتي وسعادي وسكيني .. ، سفرتي كانت معنويه ما كلفتني ربع ما اتكلفكم سفراتكم . ، لان سفركم مادي بحت ، مدنيه واسواق .  يمكن البعض يروح متاحف ومسرحيات لكن بسرعه تنقلب السفره اسواق للاسف  نفس اسواقنا ومطاعم غاليه جدا وطبخ أقل من مستوي الطباخين اللي في مطاعمنا ( ممكن نشتري اذا مرينا بمحل هدايا ، ذكرى خاصه بالبلد مثل كوب او فواصل كتب وغيره وهذا عادتا ما ااشتريه لنفسي واولادي اذا ما كانوا معاي )  . احيانا يقتنعون صديقاتي  بكلامي ويتشوقون ، فيروحون نفس المكان اللي رحتله ويرجعون .. يقولون لي : ما حسينا باللي حسيتي فيه ؟؟ أقولهم ادري لانكم ماسافرتوا بطريقتي ولا بنفسيتي . ، انتوا سافرتوا السفر المادي الشاق المتعب ….

فدعوه لتجربه متعه السفر المعنوي …

6 Responses to “السفر المادي والسفر المعنوي”

  1. bawarh Says:

    السفر المعنوي
    احرص دائما في السفر اتجه الي الارياف او المناطق النائية العيشة البسيطة
    مثال
    زرت الاردن كل الناس تتجه الي المقاهي والعواصم اما انا توجهت الي بلدة نائية في احد الارياف من ميزة هذي القرية انا بعد الساعه 8 مساء تصبح المدينة خاوية هادئه في معدل كل ساعه تمر سياره تمتع في الهواء الطلق والجلسه الارضية واذا ضافت نفسي اصعد علي راس الجبل علي القمه اونظر الي المدينة تحتي واحس نفسي ملك القوم

  2. AMANY Says:

    صباح الوردعزيزتي اقبال،اثني على كلامك وكل ماكتبتيه صحيح مئه بالمئه،بس احب اضيف انا هذا طبع اغلب اهل االكويت واهل الخليج عامه،السفر بالنسبه لهم تسوق بدرجه الاولى واخر شي يفكرون فيه الهدوء والرواء مثل مايقولون اخوانا اللنانيين،علشان جذي يرجعون من السفر بنفس المزاج والنفسية الي كانو فيها قبل السفر.
    اضم صوتي لصوت اختي اقبال واقوا : دعوه لتجربه متعه السفر المعنوي

  3. سعاد الفريح Says:

    وااو
    خـــوووش طريـــقة للســـفر
    ممتــعـة ومفيــدة
    أنـــا أحــب التبســيط في السفـــر
    لكــن احيــانـا الصحبــة اللــي معــاج
    للأســـف مايكــون عنــدهــا الاستعـــداد

  4. iqbalgreen Says:

    هلا ومرحب أختي الفاضلة سعاد ، اسعدتني مشاركتك . وبالنسبة للصحبة مهمة جدا في السفر . في البداية كنت اتحرج وأسافر مع ميول وأمزجة مختلفة إلي أن تعلمت الدرس …. ولكن مع الوقت قررت إما أن أختار صحبة لها نفس ميولي وأسافر معها أو إذا كانت الصحبة هم الاسرة ولا مفر منها ، فيتم الاتفاق بأن جزء من السفره لميولهم والجزء الآخر لميولي

    ورحلة سعيدة انشاء الله

  5. abla al quraishy Says:

    صح كلامك وفعلا احنا محتاجين راحة واستمتاع في السفر وكسر الروتين اليومي

    في احدى السفرات وجدت اني يوميا اخرج مع بناتي للسوق ونجلس بعد التسوق

    على القهوة ويضيع الوقت في لا شئ مفيد بالنسبة لي
    فقررت دخول معهد لتعلم اللغة الانجليزيه
    انا اتقن المحادثه
    بها لكن احتاج تدريب للكتابة والقراءه
    واصبح جدولنا اليومي يبدأ بعد ان انتهي من معهدي صباحا
    استمتعت كثيرا فيه وتعرفت على اشخاص جدد وتكلمت معهم عن الاسلام وعاداتنا و كانت تجربه جديده لي ومفيدة
    والصحبة في السفر هامه جدا ويجب ان يعرفوا ماتحبين
    وكنت اصطحب يوميا واحد من الاحفاد لممارسة رياضةالمشي
    واستكشاف المنطقه
    ولا مانع عندي اذا قرروا الذهاب الى مكان ما ان اعتذر عن الذهاب معهم
    القصد لا نكون امعه وراهم وراهم معاهم معاهم
    انا صحبة كتابي ومكان هادئ افضل من التسوق في افخم المجمعات

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s


%d bloggers like this: